तोर जस ल गाहुं ओ दाई लिरिक्स - कांतिकार्तिक यादव | tor jas la gahu o dai lyrics || mata jasgeet kantikartik yadaw song|
तोर जस ल गाहुं ओ दाई लिरिक्स
स्थाई:-
तोर पचरा गाहुँ ओ दाई
ए दाई आजा ना, आजा मोर ठांव म
तोर जस ल गाहूँ ओ दाई
ए दाई आजा ना, आजा मोर ठांव म
आजा ना, आजा मोर ठांव म दाई
आजा ना, आजा मोर ठांव म
सुरती म सजाहुं ओ दाई
ए दाई आजा ना, आजा मोर ठांव म
तोर जस ल गाहूँ ओ दाई
ए दाई आजा ना, आजा मोर ठांव म
अंतरा (1)
मैं अंव छत्तीसगढ़िया दाई
जग जंवारा बोथंव ओ
जिनगी म उजियार के खातिर
तोर मया ला संजोथंव ओ
(तोर मया ला संजोथंव ओ दाई, तोर मया ला संजोथंव ओ)
मोर मुड़ी ल तैं ह ढांकबे दाई
मोर मुड़ी ल तैं ह ढांकबे
तोर अचरा ल पाहुँ ओ दाई
ए दाई आजा ना, आजा मोर ठांव म
तोर जस ल गाहूँ ओ दाई
ए दाई आजा ना, आजा मोर ठांव म
अंतरा (2)
पसर नई राखंव तोर आघू म
कुछू मनौती नई मांगव
करम के फल तो सब झन पाथे
तोर ले तूही ल मैं मांगव
(तोर ले तूही ल मैं मांगव दाई, तोर ले तूही ल मैं मांगव )
तोर रूप म महतारी ल पायेंव दाई
तोर रूप म महतारी ल पायेंव
बेटी रूप तोला पांवव दाई
ए दाई आजा ना, आजा मोर ठांव म
तोर जस ल गाहूँ ओ दाई
ए दाई आजा ना, आजा मोर ठांव म
अंतरा (3)
हिरदय के हंसा मोला बुलाथे
आना बईठ जुड़ा ले ना
शक्ति भक्ति मुक्ति खातिर
दाई के कोरा थीरा ले ना
दाई के कोरा थीरा ले ना
(दाई के कोरा थीरा ले तैं ह, दाई के कोरा थीरा ले ना )
ईश्वर बंधी तोर कोरा मा ओ दाई
कांतिकार्तिक तोर अचरा म
सब सुख ला पावय ओ दाई
ए दाई आजा ना, आजा मोर ठांव म
तोर जस ल गाहूँ ओ दाई
ए दाई आजा ना, आजा मोर ठांव म
आ जाना, आजा मोर ठांव म दाई
आ जाना, आजा मोर ठांव म
सुरती म सजाहुं ओ दाई
ए दाई आ जाना, आजा मोर ठांव म
तोर जस ल गाहूँ ओ दाई
ए दाई आ जाना, आजा मोर ठांव म
💠 होवत हे तोर बिदाई लिरिक्स कांतिकार्तिक यादव
तोर जस ल गाहुं ओ दाई लिरिक्स - कांतिकार्तिक यादव | tor jas la gahu o dai lyrics || mata jasgeet kantikartik yadaw song|