जोरव जोरव जोरव जोरन हो लिरिक्स | माता बिदाई गीत लिरिक्स | दुकालु यादव माता भजन लिरिक्स | jorav jorav jorav joran ho lyrics cg Mata bhajan
स्थायी :-
जोरव जोरव जोरव जोरन हो
मोर दुर्गा दाई के होवत हे बिदाई
मोर दुर्गा दाई के होवत हे बिदाई
चला चला दीदी चला मोर भाई
सगुरी जावत हे महामाई
मोर दुर्गा दाई के होवत हे बिदाई
मोर दुर्गा दाई के होवत हे बिदाई
अंतरा - 1
तोर बिराजत गांव शहर हा सरग बरोबर लागे
रिगबिग रिगबिग बिजली बरे ओ रतिहा दिन अस लागे
(रतिहा दिन अस लागे, रतिहा दिन अस लागे)
मया के बंधना मा नौ दिन बांधे बिदा के बेरा आगे
संग तोर छुटती लागे उदासी आँखी ले आँसू बोहागे
(आँखी ले आँसू बोहागे, आँखी ले आँसू बोहागे)
सुन्ना सुन्ना घर अऊ अंगना लागत हे भारी करलाई
मोर दुर्गा दाई के होवत हे बिदाई
अंतरा - 2
बच्छर भर बर जोरव जोरन कंगी कोकई कोरन
लुगरा पोलखा चुनरी चोली आमा पान के तोरन
(आमा पान के तोरन, आमा पान के तोरन)
सुपली टुकनी तेल के गुंडी पेरे चांउर के जोरन
टिकली फूंदरी चूरी मुंदरी बंदन चंदन दर्पन
(बंदन चंदन दर्पन दाई , बंदन चंदन दर्पन )
मुंगा मोती जंवा अऊ तिल्ली मैया बर चना गुड़ लाई
मोर दुर्गा दाई के होवत हे बिदाई
अंतरा - 3
सगरी नहावन चले महामाई मांग भरे बम लाली
नाचत गावत चले सेउक मन उड़े अबीर गुलाली
(उड़े अबीर गुलाली दाई, उड़े अबीर गुलाली)
जोत जंवारा होत विसर्जन आज हा लागे काली
अऊ आबे जगजननी दुर्गा अंबे शेरावाली
(अंबे शेरावाली दाई, अंबे शेरावाली)
परमानंद काठोलिया बर तै माता होगेस पहूंनाई
मोर दुर्गा दाई के होवत हे बिदाई
जोरव जोरव जोरव जोरन ओ
मोर दुर्गा दाई के होवत हे बिदाई
मोर दुर्गा दाई के होवत हे बिदाई
मोर दुर्गा दाई के होवत हे बिदाई
जोरव जोरव जोरव जोरन हो लिरिक्स | माता बिदाई गीत लिरिक्स | दुकालु यादव माता भजन लिरिक्स | jorav jorav jorav joran ho lyrics cg Mata bhajan